قصائد للشاعر سعد الميموني ((شاعر الحزن))

بسم الله الرحمن الرحيم



هذي القصيدة عجبتني واتمنى انها تعجبكم

(*( أمنيه إني أموت )*)

كلن تمنى في حياته أماني
وأنا أتمنى أمنيه إني أموت
مظلوم في دنيا بها الله بلاني
عايش ولكن عايش إنسان مكبوت
عايش يتيم ماعرفت الأماني
غصب علي أقبل أنا الظلم بسكوت
الحظ ضدي والبشر والزماني
باسبابهم همي بدى يلوتني لوت
حسره طوت قلبي وحزن طواني
الين حزني صار بالصدر منحوت
حتى حبيبي خان حبي وحناني
وحط بفمي علقم وأنا مذوقه توت
خان المحبه صار شخص أناني
وحرم علي حتى أتصل أسمع الصوت
مادام صرحي إنهدم مع كياني
وش تنفع الصرخه إذا فايت الفوت
أيوب لو ساعه يكون بمكاني
ماكان في صبره ترى تكتب بيوت
الموت أرحم من حياتي أعاني
ولاظن فيه أرحم عليه من الموت
ياسعد قلبي كان موتي لفاني
ويازينها لاصار جسمي بتابوت
يارب حقق لي أنا هالأماني
أرجيك يامنجي نبيك من الحوت
ومادام مسموحه علينا الأماني
عندي أمنيه وحده أنا ودي أموت


الثانية::
(*( زيف المشاعر حقايق )*)

ودي أنا أفرح مثل كل المخاليق
ودي أحس بفرحتي لو دقايق
مليت أنا من عيشة الهم والضيق
وزود على الضيقه بقلبي حرايق
ومليت أنا أشكي علتي بالطواريق
ومليت أدور فزعة بالرفايق
ناديت لين إنه نشف فيني الريق
ولحد سألني ليه وشفيك ضايق
يلعن أبو دنيا تذل المخاليق
ويلعن أبو وقت يذل الخلايق
دنيا بها كذب وزيف وتلفيق
دنيا بها زيف المشاعر حقايق
صبري نفذ وماعاد أنا لصبر أطيق
عجزت أنا أفرح مثل كل الخلايق

مشكووره

الثانيه رووعه

والله يساعد قلبه شكله كله حزنان